Foto:printscreen
Popularna ruska pjevačica i velika Putinova propagandistkinja, Yulia Čičerina, uputila je Ukrajincima jezivu novogodišnju poruku.
Ona je od samog početka invazije bila veliki zagovornik ruske vojne akcije u Ukrajini, zbog čega je pobrala velike simpatije u Kremlju.
Ona se obratila ukrajinskom narodu i vlastima ove zemlje povodom Nove godine uputivši im sumanutu novogodišnju čestitku prijetećeg karaktera.
“Vrijeme je osvete! Vaši će grijesi biti očišćeni u našim gulazima, a onda ćete se moći vratiti u ruski svijet – koji će sve preplaviti! Vjernicima poručujem: ‘Ovo je vrijeme istinske slobode i svega o čemu smo sanjali! Sada je vrijeme da odlučimo ko smo, besmrtni heroji ili osramoćeni izdajnici! Svako treba da zauzme svoju poziciju na fronti u odbranu Majke Rusije! Hura!”, poručila je.
Čičerina je inače završila u izveštaju koji je sastavio Forum Slobodne Rusije, a u kojem se spominju najgori ruski ratni huškači.
Lista sadrži 1500 osoba iz ruskog javnog života, između ostalog i članova vojnog zapovedništva, umjetnika i sportista koji su javno istupili u odbranu Putinove agresije ili su u nju direktno uključeni.